19/10/2010
تاجيل محاكمة المتهمين فى أحداث نجع حمادى الى 18-12-2010
لمرافعة المتهميين بمعنى ان محاميين المتهمين هيقدموا اوجة دفاعهم قدام المحكمة
(يوم كامل لمرافعة المحامين وبعدها هيكون التاجيل لسماع الحكم)
الانبا كيرلس لما دخل القاعة جابو له كرسى مخصوص
واحد من المحاميين(اسامه) قال للقاضى دة شاهد
رد القاضى: دة رجل دين مش راجل عادى
والمحكمة سمعت اقول الانبا كيرلس مع تامينه من نجع حمادى الى المحكمه
وطلب القاضى من الانبا كيرس قول والله العظيم اقول الحق
سيدنا قالة انا هاقول الحق
القاضى قالة انا بقول قول والله العظيم اقول الحق
و قال سيدنا (حلف)
استمعت المحكمة لشهادة الأنبا كيرلس والتي جاءت مطابقة لما ورد في شهادته أمام النيابة وتنازل المحامين عن المتهم الأول والثاني عن توجيه أسئلة
واما اسامة محامى الكمونى سال سيدنا لية لفيت الناحية التانية من المطرانية؟؟
رد سيدنا: قالة دة احساس انة فية مشكلة ف الناحية التانية
المحامى: هل انت بتساعد الكمونى وليك علاقة بية؟؟
رد سيدنا: انا اعرفة معرفة عادية ومرة جانة هو و واحد مسيحى المطرانية يتوسطلى انة يشتغل
المحامى: انت بتديلة كنت فلوس ولا لا
رد سيدنا: قالة لا
سال المحامى: لو طلب منك فلوس كنت هتديلة ولا لا؟
رد قالة هو جاى مكان دينى وبيطلب فلوس
احنا بندرس الحالة بتاعة الشخص
لو حسينا فعلان انة محتاج للمساعدة بنديلة فلوس
اسامة: طلب معاينة مكان الجريمة
المحكمة رفضت
وهدد بعدها اسامة بالانسحاب من القضية
قالة القاضى براحتك انسحب
اسامه قعد يقول كلام كدة
راح القاضى قالة مش انت انسحبت؟
اسامة: قالة انا بقول هنسحب مش انسحبت
القاضى: قالة انا هوكل محامى تانى للمتهم
لو انت انسحبت ولو مفيش محاميين برضة انا هخلص القضية دى
كما ان النيابه تيدن المتهمين ادانة كاملة
وطالبت باقصى عقوبة على المتهمين والقصاص منهم
قرشى قعد يقول وهو داخل القاعة حسبى الله ونعمى الوكيل بصوت عالى
واثناء شهادة الظابط
قالة خلى فلوس النصارى تنفعك
قام سامح عاشور نقيب المحامين السابق بإثبات حضور المحامين عن المجني عليهم، وقامت المحكمة بالاستجابة له. وتضامنوا مع النيابة
شهدت الجلسة محاولات للتشويش من جانب المتهمين الأول والثاني على الأنبا كيرلس أثناء الإدلاء بشهادته، وأمر القاضي بإنزالهم لمحبسهم
قررت محكمة جنايات أمن دولة طوارئ برئاسة المستشار محمد فهمي، تأجيل نظر القضية إلي 18 ديسمبر لمرافعة المحامين عن المتهمين
الاشتراك في:
الرسائل (Atom)
